Billets d'humeur

Dites-le avec des notes

Je demande ma bienvenue :
Il y a long temps que ne vous vi,
Dites, sui je plus vostre ami
Avés bien vostre foy tenue ?
La meilleur desoubs la nue
Estes se l'avés fait ensi.
Je demande ma bienvenue :
Il y a long temps que ne vous vi.
Je vous ai moult long temps perdue
Dont j'ay esté en grant soussi
Mais de tous mes maulx sui gari
Puis qu'en bon point je vous ay veue.
Je demande … 


Jean Haucourt (1390-1410)

J'atendray tant qu'il vous playra
A vous declarer ma pensée,
Ma tres chiere dame honourée;
Je ne say s'il m'en desplayra.
Mais toutes fois, pour complaire a
Vostre personne desirée,
J'atendray tant qu'il vous playra
A vous declarer mapensée.
Car j'ay espour, quant avendra
Qu'a ce vous serés acordée,
Que ma doulour sera cesée;
Je le vous ay dit long temps a.
J'atendray tant qu'il vous playra
A vous déclarer ma pensée,
Ma tres chiere dame honourée;
Je ne say s'il m'en desplayra.


Guillaume Dufay (1400-1474)

Le souvenir de vous me tue
Mon seul bien, quant je vous voy
Car je vous jure sur ma foy,
Sans vous ma liesse est perdue.
Quant vous estes hors de ma vue,
Je me plains et dis a par moy :
Le souvenir de vous me tue …
Seule demeure despourveue
D'ame nul confort ne recoy
Et si seuffre sans faire effroy
Jusqu'à vostre revenue.
Le souvenir de vous me tue …


Robert Morton (1430-1479)

Trois interprétations de l'ensemble Gothic Voices, d'où émerge l'émouvante voix de Margaret Philpot (Publications du label Hyperion CDA66194, 66286, 66144).